Det største geniet i verda?
Albert Einstein er nok den mest berømte fysikaren i verda. Ideane hans endra korleis vi forstår verda, og leidde til utviklinga av all mogleg slags moderne teknologi. Han føresåg også svarte hòl og andre fenomen som vi først klarte å påvise mange år seinare.
Einstein blei kjend for å ha utvikla to vitskaplege teoriar . Den eine handlar om korleis tid og rom heng saman, og korleis fysikken sine lover er dei same uansett korleis ein flytter på seg. Dette blir kalla den spesielle relativitetsteorien. Den andre handlar om korleis tyngdekraft kan påverke tid og rom. Tida går nemleg meir sakte dersom ein opplever sterk tyngdekraft. Dette blir kalla den generelle relativitetsteorien.
Alt dette høyrest kanskje innvikla ut, men tankane til Einstein førte til at forskarar over heile verda fekk ein ny måte å sjå verda på. Han har difor hatt enormt mykje å seie for utviklinga av samfunnet vårt.
1 / 3
Fødd i Tyskland
Albert Einstein blei fødd i Tyskland i 1879, i ein by som heiter Ulm. Då han var fem år gammal, fekk han eit kompass, som han studerte mens han låg sjuk i senga. Han blei fascinert over at nåla fann vegen mot nord same korleis han vreid og vende på kompasset. Det fekk han til å undre seg over korleis det låg noko skjult bak alt i verda.
Problem på skulen
Einstein var flink i matte og naturfag, men fekk ikkje gode karakterar i andre fag. Han meinte at skulen fokuserte for mykje på pugging i staden for ordentleg vitskap.
Portrett av Albert Einstein
E=mc2
Einstein er mest kjend for likninga E = mc2. Ho viser at når masse blir gjort om til energi, blir det forferdeleg mykje energi. I sola vår skjer dette heile tida, ved at atom smeltar saman og gir frå seg litt av massen sin som bølgjer av energi. Slik kan ho brenne med ufatteleg styrke i millionar av år.
Ein annan, skumlare måte å sleppe laus slik energi på er gjennom ei atombombe.
Albert Einstein
1 / 5
Bilde- og videorettar:
Wikimedia Commons
Ukjent
Getty Images
Ukjent
Getty Images
Getty Images
Getty Images
Ukjent
Relaterte yrker
Synes du dette var spennende lesning? Her har vi forslag til noen yrker du kan utforske:
